Sa online selling, hindi lang presyo at magandang larawan ang nakaaengganyo sa customer. Malaking bagay ang tiwala.
Kaya dapat seryosong tingnan ng online entrepreneurs ang E-Commerce Philippine Trustmark ng Department of Trade and Industry (DTI).
Ayon sa DTI, ang Trustmark ay isang government-endorsed digital badge para sa online businesses na sumusunod sa recognized standards para sa data privacy, consumer protection at e-commerce security. Ang system ay nakabatay sa Internet Transactions Act of 2023 o Republic Act No. 11967. (Trustmark)
Hindi ito simpleng logo na ilalagay lang sa online store. Ayon din sa DTI, kailangang may business registration at BIR registration at may internal mechanism ang negosyo para tumanggap at mag-resolve ng customer complaints. (Trustmark)
Para sa small seller, magandang business tip ito: build trust before you need it.
Ipakita nang malinaw ang business name, contact details, return or refund policy at delivery terms. Sagutin nang maayos ang customer inquiries at huwag magtago kapag may complaint.
Sa online world, puwedeng makakuha ng bagong customer dahil sa viral post. Pero mas panalo kung mapagkakatiwalaan ang seller dahil garantisado ang repeat customers sa mas mahabang panahon.
Sa dami ng online sellers ngayon, trust itself can become a competitive advantage.
