Sunud-sunod ang bold moves ng premyadong aktres na si Odette Khan bago at matapos siyang manalo lamakailan ng Pinakamahusay na Aktres sa 49th Gawad Urian ng Manunuri ng Pelikulang Pilipino para sa obrang “Bar Boys: After School” na idinerek ni Kip Oebanda.
Unang mapangahas niyang desisyon ay bumalik sa kanyang pamilya matapos na mamuhay siyang mag-isa sa loob ng limang dekada.
Mula nang siya’y maging aktibo sa pelikula, teatro at telebisyon, mag-isa siyang tumira sa Ermita.
Dito ay malaya niyang nagawa ang mga bagay na nagpapaligaya sa kanya at nagbibigay ng mataas na antas ng kaisipan.
Humiwalay siya sa kanyang anak na si Claudette Avelino.
Walang nagawa si Claudette kundi sundin ang kagustuhan ng kamyang ina.
Habang magkahiwalay, hindi naman nagkulang si Odette sa pangangailangan ng kanyang unica hija—sa pag-aaral, sa pagkain, sa pagmamahal at iba pang kailangan ng isang anak.
Sa kagustuhan niyang maging solo at malaya, lumipat ang aktres sa malayong Laguna Province.
Nangupahan siya sa mga bahay sa Binan at San Pedro.
Gayuman, laging may bonding sina Odette at Claudette.
Kung hindi si Odette ang lumuluwas sa Maynila para makasama si Claudette na nang mga panahong ‘yon ay may asawa na’t anak (sa mga Tandoc ang napangasawa ni Claudette).
Pero mas madalas nitong mga nakaraang taon ay ang buong pamilya ng mga Avelino ang dumadalaw sa ina, biyenan at lola.
Sa unli chicken wings sila madalas kumain.
Ng mga nakaraang taon ay hindi na mapigilan ang pagkakaedad ng aktres.
Madalas ding sumama ang kanyang pakiramdam.
Nagkataon na dumalaw sa Pilipinas ang natitirang kapatid ng aktres na si Mars mula sa Canada.
Nag-usap nang masinsinan sina Mars at Odette at naliwanag ang huli.
Ngayon ay nananatili pa rin namang may kalayaan ang bituin.
Noon din ay isunuko na ni Odette ang kanyang pag-iisa para makasama ang buong pamilya.
Nang itanghal siyang Best Actress sa 2026 Gawad Urian, umalalay sa kanya ni Claudette.
Naka-wheelchair noon si Odette.
Napakadramatiko ng pagtanggap niya ng tropeyo.
Ngayon ay handa na muling humarap si Khan sa kamera at tulad ng pag-iwan niya sa pag-iisa, isasaisantabi rin niya ang kanyang wheelchair lalo na kung ang role naman niya ay nakakalakad.
Magiging masaya ang araw-araw ni Odette ngayon sa piling ng kanyang dalawang apo.
